![Compostela Gastronómica](http://santiagohosteleria.gal/wp-content/uploads/2019/10/Compostela-Gastronómica.jpg)
A XII edición do Santiago(é)tapas, o concurso de tapas de Santiago, é un evento promovido por Turismo de Santiago e organizado pola Asociación Hostalería Compostela, co apoio da Deputación de A Coruña e o patrocinio de Mahou.
![Pantalla TV](http://santiagohosteleria.gal/wp-content/uploads/2019/10/Pantalla-TV.jpg)
Santiago(é)tapas
O concurso estrea unha imaxe que busca afondar no concepto de ubicación, amosando Santiago como o lugar perfecto onde gozar dunhas boas tapas. O novo logo garda tamén relación coa meta do Camiño de Santiago e as rutas de locais – as coñecidas (é)tapas – que poderán percorrer todos aqueles veciños e veciñas, así como visitantes, seguindo candanseu tapasporte.
Os obxectivos principais deste certame son incentivar a cultura gastronómica, dinamizar á cidade nun mes tradicionalmente de menor afluencia turística e amosar a calidade e o bo facer dos nosos hostaleiros e hostaleiras.
A gran novidade desta edición é a organización do I Santiago(é)Cóctel, un concurso de cócteles que tamén se celebrará do 14 de novembro ao 1 de decembro, sen fase final.
O prazo de inscrición para ambos concursos xa está aberto e prolongarase ata o 20 de outubro. Cada local poderá presentar un máximo de tres tapas e/ou dous cócteles. Establécense dúas modalidades de tapas: tapa tradicional (entre 1 e 2 euros) e tapa creativa (entre 2 e 3,50 euros). Enténdese por tapa creativa aquela que utilice produtos, técnicas de elaboración e presentación innovadoras. Así mesmo, haberá un premio maridaxe Mahou, no que poden participar ambas as dúas modalidades, sempre que o seu consumo se maride con calquera das distintas cervexas de Mahou. En canto ao Santiago(é)Cóctel, establécense dúas modalidades de cócteles: cóctel clásico (5 euros) e cóctel creativo (6 euros).
Co fin de fomentar o uso de produtos autóctonos e de proximidade, fíxase como requisito imprescindible para participar que as tapas inclúan na súa elaboración, cando menos, un produto pertencente a algunha das denominacións de orixe ou indicacións xeográficas protexidas de Galicia. No caso dos cócteles será imprescindible que inclúan na súa elaboración, cando menos, un produto galego.
![Santiago(é)tapas 2019](http://santiagohosteleria.gal/wp-content/uploads/2019/10/Utensilios-1.jpg)
![<!Santiago(é)tapas 2019>](https://layouts.siteorigin.com/wp-content/uploads/2015/08/hat-15263_1280.jpg#1280x853)
Premios
Outra novidade con respecto ao ano pasado é o número e a distribución dos premios. Entre todas as tapas presentadas outorgaranse, mediante o voto ponderado do xurado profesional e do público, un primeiro e un segundo premio á tapa creativa, dotados con 1.000 e 500 euros, respectivamente; un primeiro e un segundo premio á tapa tradicional, tamén con 1.000 e 500; e un premio maridaxe Mahou, con 500 euros en produto e un showcooking nun evento Mahou. Tamén se outorgarán os premios do público á tapa creativa e á tapa tradicional, dotados con 700 euros cada un.
Premiaranse dous cócteles, un creativo e un clásico, con 500 euros cada un. Tamén haberá premios para os/as consumidores/as, que poderán optar a eles por completar as diferentes (é)tapas. Uns agasallos nos que está traballando a organización e que crecerán en cantidade e calidade con respecto a pasadas edicións.
PROMOVE
PROMOVE
ORGANIZA
ORGANIZA
PATROCINA
PATROCINA
COLABORAN
COLABORAN