Neste mes de maio hai varias datas para as que está autorizada ampliación de horarios na hostelería por mor dos festivos, o primeiro deles na próxima semana.
Así,se amplía unha hora máis o horario de funcionamento das terrazas de hostalería entre o martes día 30 de abril e o mércores 1 de maio de 2024 por mor do Día do Traballo. O horario de peche das terrazas será ás 03:00 h da madrugada do día festivo. Do mesmo xeito, se amplía unha hora máis o horario de funcionamento dos propios establecementos hostaleiros, sempre que os establecementos conten coa correspondente licenza municipal e cumpran con toda a normativa de aplicación.
As próximas datas de cambio de horario serán a mediados de mes. Deste xeito e segundo o autorizado polo Concello de Santiago, se amplía unha hora máis o horario de funcionamento das terrazas de hostalería os días 9, 11 e 12 de maio de 2024 por mor das Festas da Ascensión. A ampliación de horario autorizada se corresponderá coa noite do 8 ao 9 de maio (xoves da Ascensión), e as noites do 10 ao 11 de maio e do 11 ao 12 de maio (Festas da Ascensión). O horario de peche das terrazas será ás 03:00 h da madrugada. Do mesmo xeito, se amplía unha hora máis o horario de funcionamento dos propios establecementos hostaleiros.
Tamén se amplía unha hora máis o horario de funcionamento das terrazas de hostalería o día 17 de maio de 2024 por mor do Día das Letras Galegas. A ampliación de horario autorizada se corresponderá coa noite do 16 ao 17 de maio (Día das Letras Galegas). O horario de peche das terrazas será ás 03:00 h da madrugada. Do mesmo xeito, se amplía unha hora máis o horario de funcionamento dos propios establecementos hostaleiros.
