Xa está todo listo para as Festas do Apóstolo que darán comezo esta semana. Ademáis dun completo programa de actividades, veciños e visitantas poderán gozar da ampliación dos horarios na hostalería, xa que se amplía unha hora máis o horario de funcionamento das terrazas de hostalería os días 20, 21, 25, 27 e 28 de xullo de 2024 por mor das festas.
A ampliación de horario autorizada se corresponderá coas noites do 19 ao 20 e do 20 ao 21 de xullo, a noite do 24 ao 25 de xullo e as noites do 26 ao 27 e do 27 ao 28 de xullo. O horario de peche das terrazas será ás 03:30 h da madrugada o sábado, domingo, días festivos e vésperas de festivos.
Do mesmo xeito, se amplía unha hora máis o horario de funcionamento dos propios establecementos hostaleiros, nos períodos recollidos nos puntos anteriores sempre que os establecementos conten coa correspondente licenza municipal e cumpran con toda a normativa de aplicación.
Por outra parte, neste verán tamén se ampliará en agosto unha hora máis o horario de funcionamento das terrazas de hostalería os días 15 e 16 por mor das Festas de San Roque. A ampliación de horario autorizada se corresponderá coas noites do 14 ao 15 e do 15 ao 16 de agosto (Festas de San Roque). O horario de peche das terrazas será ás 03:30 h da madrugada de ditos días festivos.